______________

Tum ajnabee thi. Ab dilchaspi ho.
Dilnawaz ho? Pata nahi.

Tum sirf haseen thi. Ab azeez ho.
Rooh ke qarib ho? Khabar nahi.

Tum shaunk thi. Ab aadat ho.
Zaroorat ho? Maloom nahi.

Tum subah ka junoon thi. Ab shaam ki khushi ho.
Raat ka sukoon ho? Pata nahi.

Tum samundar ki lehar thi. Ab uspar terti kashti ho.
Kinaara ho? Khabar nahi.

Tum sher thi. Ab ghazal ho.
Iss ghazal ka naam ho? Zaroori nahi.

--- Rakshit Nair